ဇာတ်လမ်းအကျဉ်း
ဇာတ်လိုက်ဖြစ်သူ Gye-gye ဟာ ဝဖြိုးတဲ့ ခန္ဓာကိုယ်ရှိတာကြောင့် စစ်တပ်ထဲမှာ သူ့ရဲ့အထက်လူကြီး Yoo-hyuk ရဲ့ အနိုင်ကျင့်ခြင်း၊ လိင်ပိုင်းဆိုင်ရာ စော်ကားခြင်းနဲ့ နှိပ်စက်ခြင်းတွေကို ခါးစည်းခံခဲ့ရပါတယ်။ စစ်တပ်က ထွက်လာပြီးတာတောင် Gye-gye ဟာ အဲဒီဒဏ်ရာတွေကြောင့် ပုံမှန်လူမှုဘဝကို မဖြတ်သန်းနိုင်ဘဲ စိတ်ဒဏ်ရာတွေနဲ့ ရှင်သန်နေရသူပါ။
တစ်နေ့မှာတော့ သူ့ဘဝကို ဖျက်ဆီးခဲ့တဲ့ Yoo-hyuk က အင်တာနက်ပေါ်က အလုပ်ခေါ်စာတစ်ခုမှာ ပျော်ရွှင်စွာနဲ့ လူကောင်းတစ်ယောက်လို ဟန်ဆောင်နေထိုင်နေတာကို မြင်လိုက်ရပါတယ်။ မိမိဘဝက ပျက်စီးနေချိန်မှာ တစ်ဖက်လူက ဘာမှမဖြစ်သလို နေနေတာကို မြင်ရတဲ့အခါ Gye-gye ရဲ့ စိတ်ထဲမှာ ပြင်းထန်တဲ့ လက်စားချေလိုစိတ်တွေ ပေါက်ဖွားလာတော့တယ်
Gye-gye ဟာ Yoo-hyuk ကို ပြန်ပေးဆွဲပြီး လူသူမနီးတဲ့ သိုလှောင်ရုံတစ်ခုထဲမှာ ပိတ်လှောင်ထားလိုက်ပြီး သူခံခဲ့ရသမျှ နာကျင်မှုတွေ၊ အရှက်ခွဲမှုတွေကို တစ်ပုံစံတည်း ပြန်ပြီး လက်စားချေဖို့ စတင်ပါတော့တယ်။
