ဇာတ်လမ်းအညွှန်း
ငယ်စဉ်ကတည်းက မိဘတွေရဲ့စွန့်ပစ်ခြင်းကိုခံခဲ့ရတဲ့ ဂယောင်းဟွီဆောင်း ဟာ သိူ့ကိုကယ်တင်ကျွေးမွေးခဲ့တဲ့ လူကို အစ်ကိုအရင်းကဲ့သို့လည်းသံယောဇဉ်တွယ်ခဲ့ပြီး ခံစားချက်တွေလည်းရှိခဲ့ပါတယ် ။ ထိုလူနဲ့အတူတူ လောင်းကစားရုံမှာ သူရဲ့အကြွေးနွံထဲက ထွက်နိုင်ဖို့ရာ အလုပ်လုပ်ရသူပါ ။ တစ်နေ့မှာတော့ ဟွီဆောင်းဟာ ထိုလူအကူအညီတောင်းတာကြောင့် ပစ္စည်းတစ်ခုကို ဝံပုလွေမျိုးနွယ်ခေါင်းဆောင် ယွန်းချီယောင်းနဲ့ ပစ္စည်းလဲလှယ်ပြီး အပြန်မှာ လုပ်ကြံခံလိုက်ရကာ ပစ္စည်းလည်းလုခံလိုက်ရသလို ပေါင်လည်းဒဏ်ရာရပြီး သူ့ရဲ့တိရစ္ဆာန်ပုံစံဖြစ်တဲ့ ခွေးကလေး အဖြစ်ကိုပြောင်းသွားခဲ့ကာ ချောင်ကျတဲ့လမ်းငယ်လေးထဲမှာ သွေးအိုင်ထဲ မေ့မျောသွားခဲ့ပါတယ် ။
ထိုအခြေအနေမှ သူ့ကိုကယ်တင်ပေးခဲ့တာကတော့ ယွန်းချီယောင်းပါ ။ ချစ်စရာခွေးငယ်လေး ဖြစ်နေတဲ့သူ့ကို ယွန်းချီယောင်းဟာ သူ့ရဲ့အိမ်မွေးခွေးလေးသဖွယ် စောင့်ရှောက်ခဲ့ပါတယ်။ ကံဆိုးစွာနဲ့ပဲ ဟွီဆောင်းဟာ လက်ရဲဇက်ရဲရှိသူဖြစ်လို့ ယွန်းချီယောင်းကို ထိုးကြိတ်ခဲ့ဖူးတဲ့ ဇာတ်လမ်းတွေရှိခဲ့တာကြောင့် ခွေးကလေးဟာ သူကိုယ်တိုင်မှန်း သိသာမှာစိုးရိမ်နေခဲ့ပြီး ထွက်ပြေးဖို့ကြံခဲ့ပါတယ်
သို့သော် ဟွီဆောင်းတစ်ယောက် ထွက်ပြေးလာပြီးနောက်မှာ ထင်မှတ်မထားတဲ့ဘဝကြီးရဲ့ လှည့်ကွက်ကို ကြုံလိုက်ရပြီး သူ့အား မကောင်းကြံနေတဲ့လူရဲ့လက်ထဲ ရောင်းစားခံလိုက်ရပါတော့တယ်…
ထိုအချိန်မှာသူသိလိုက်ရတာက ယွန်းချီယောင်းကသာ သူနည်းနည်းလေးပဲ ဖြစ်ဖြစ်ယုံကြည်လို့ရမယ့် ယောက်ျားတစ်ယောက်ဆိုတာပါပဲ
