ဇာတ်လမ်းအညွှန်း
ဟော်ကီအားကစားနည်းပြ ဖခင်ဖြစ်သူရဲ့ အရိပ်အောက်မှာ ကြီးပြင်းလာခဲ့ရတဲ့ ဘတ်အွန်းဆန်းဟာ အဖေဖြစ်သူရဲ့မျှော်လင့်ချက်ကြီးကြောင့် ဟော်ကီစကစားပြီး အခြေအနေတစ်ခုအထိ ထူးချွန်ခဲ့သော်လည်း ဖခင်ရဲ့ မရောင့်ရဲနိုင်မှု အားမရမှုတွေက သူ့ရဲ့အိမ်မက်ဆိုးတွေဖြစ်ခဲ့ပါတယ် ။
ထို့နောက် ရူအီယန် ဆိုတဲ့အရည်အချင်းရှိတဲ့ ကောင်ငယ်လေးရောက်ရှိလာတဲ့အချိန်မှာ နည်းပြဖြစ်တဲ့သူ့အဖေရဲ့ မျှော်လင့်ချက်ဟာ သားဖြစ်သူဆီမှာ မရှိတော့ပဲ ထိုကောင်ငယ်လေးအပေါ်မှာသာ အားသွန်ခွန်စိုက်နဲ့ မျှော်လင့်ထားလိုက်ပါတော့တယ် ။ ဘတ်အွန်းဆန်းဟာ ဖခင်ဖြစ်သူရဲ့ ဂရုစိုက်မှုတွေမရတော့သော်လည်း အပြစ်မဆိုပဲ ကျောင်းသားတွေကြားထဲမှာအပယ်ခံလေးဖြစ်တဲ့အီယန့်ကို ဖခင်မအားတဲ့အချိန်တွေမှာ အတူတူလေ့ကျင့်ပေး သင်ပြပေးခဲ့ပါတယ် ။
နှစ်တွေကြာလာပြီးနောက်မှာ ဖခင်ဖြစ်သူလည်းဆုံးသွားပြီး ဘတ်အွန်းဆန်းမှာလည်းအိမ်ထောင်ရှိလို့နေပါပြီ။ ဖခင်ဖြစ်သူရဲ့ အသုဘမှာ ရူအီယန်ရဲ့ အရွဲ့တိုက်မှုကြောင့် ဘတ်အွန်းဆန်းဆီက ထိုးနှက်ခြင်းကို ခံခဲ့ရပါသေးတယ်။ ထိုအချိန်ကစပြီး သူတို့နှစ်ယောက်ဟာ ပိုဝေးသွားခဲ့ကြပါတယ် ။
မထင်ထားတဲ့ဖြစ်ရပ်ကတော့
တစ်နေ့ ဘတ်အွန်းဆန်းကို သူ့အလုပ်လုပ်တဲ့ကုမ္မဏီကနေ ဟော်ကီကစားသမား ရူအီယန် နဲ့ စာချုပ်ချုပ်ရန် သူ့ကိုတာဝန်ပေးလိုက်ခြင်းပါပဲ ။ အတိတ်မှာ အခြေအနေတွေတင်းမာခဲ့တဲ့ သူတို့ရဲ့စီနီယာဂျုနီယာဆက်ဆံရေးဟာ အရင်လို ပြန်ဖြစ်ပါဦးမလား….
