ဇာတ်လမ်းအကျဉ်း
ကမ္ဘာပေါ်မှာ နေရောင်ခြည်ဒဏ်နဲ့ ပတ်ဝန်းကျင်ညစ်ညမ်းမှုတွေကြောင့် လူသားတွေဟာ မျိုးတုန်းလုနီးပါးဖြစ်နေပြီး သတ္တဝါတွေဟာလည်း ထူးဆန်းစွာ မျိုးဗီဇပြောင်းလဲကုန်ကြပါတယ်။ An Zhe ဆိုတာကတော့ ကမ္ဘာဦးတောအုပ်ထဲမှာ ပေါက်ဖွားလာတဲ့၊ လူအသွင်ပြောင်းနိုင်တဲ့ အသိဉာဏ်ရှိ “မှို” ကလေးတခုပါ။ သူ့ရဲ့ ဘဝရည်မှန်းချက်ကတော့ သူ့ရဲ့ တစ်ဦးတည်းသော “မျိုးစေ့”လေးကို ကာကွယ်စောင့်ရှောက်ဖို့ပဲ ဖြစ်ပါတယ်။
တစ်နေ့မှာတော့ An Zhe ဟာ သူ့ရဲ့ မျိုးစေ့ကို လူသားစစ်တပ်က ယူသွားတာ ခံလိုက်ရပါတယ်။ သူ့ရဲ့မျိုးစေ့လေးကို ပြန်ရှာဖို့အတွက် An Zhe ဟာ လူသားတစ်ဦးရဲ့ အသွင်ကိုယူပြီး လူသားတွေနေထိုင်တဲ့ စစ်အခြေစိုက်စခန်း (Base) ဆီကို ထွက်ခွာလာခဲ့ပါတယ်။
လူသားအခြေစိုက်စခန်းမှာ Lu Feng ဆိုတဲ့ အေးစက်ပြီးပြတ်သားတဲ့ ဗိုလ်မှူးတစ်ယောက်ဖြစ်ပြီး “တရားစီရင်သူ” တစ်ယောက်လည်းဖြစ်တယ်။ လူသားတွေထဲမှာ ပုံစံပြောင်းသတ္တဝါတွေ ရောနှောနေသလားဆိုတာကို ခွဲခြားသတ်မှတ်ပြီး သတ်ဖြတ်ရသူပါ။ သူက လူသားမဟုတ်တဲ့ အရာမှန်သမျှကို တစ်ချက်ကြည့်ရုံနဲ့ သိနိုင်စွမ်းရှိပါတယ်။
An Zhe ဟာ သူ့ရဲ့မျိုးစေ့လေးကို ဗိုလ်မှူးကြီး Lu Feng ရဲ့ သုတေသနဌာနမှာ ရှိနေမှန်း သိလိုက်ရတဲ့အခါ သူရဲ့မျိုးစေ့ကို ပြန်ရဖို့အတွက် အန္တရာယ်အရှိဆုံးလူသားဖြစ်တဲ့ Lu Feng နားကို နည်းမျိုးစုံနဲ့ ကပ်ရပါတော့တယ်။ ဒီဇာတ်လမ်းဟာ စိတ်ကူးယဉ် ကမ္ဘာပျက်ကပ်ဘေးနောက်ခံကို အခြေခံထားပြီး ကမ္ဘာပျက်ပြီးတဲ့နောက်မှာ လူသားမျိုးနွယ်တွေ ဘယ်လိုရှင်သန်အောင်နေထိုင်သွားသလဲဆိုတာကိုဖတ်ရှုရမှာ ဝမ်းနည်းစရာကောင်းသလို တစ်ဖက်မှာလည်း အရမ်းကို ရင်နင့်ဖို့ကောင်းတဲ့ (Poetic) ဆန်တဲ့ ဇာတ်လမ်းမျိုးပါ
