ဇာတ်လမ်းအကျဉ်း
ကိုရီးယားနိုင်ငံရဲ့ နတ်သားတစ်ပါးလို ရုပ်ရည်ပိုင်ဆိုင်ထားတဲ့ ထိပ်တန်းမင်းသား Ji-hyun ဟာ လှပလွန်းသလောက် စိတ်ကြီးပြီး ဂျီကျတတ်သူအဖြစ်လည်း နာမည်ကြီးပါတယ်။ သူ့ဘေးနားမှာ ခုနစ်နှစ်တိုင်တိုင် အရိပ်တကြည့်ကြည့် ပြုစုစောင့်ရှောက်လာပေးသူကတော့ မန်နေဂျာ Eun-ho ပါ။ သူဟာ နုနယ်တဲ့ရုပ်ရည်ရှိပေမဲ့ ခက်ခဲလွန်းတဲ့ Ji-hyun ရဲ့ စိတ်နေစိတ်ထားကို တစ်ဦးတည်းသော ကိုင်တွယ်နိုင်သူလည်း ဖြစ်ပါတယ်။
ဒါပေမဲ့ Eun-ho မှာ လျှို့ဝှက်ချက်တစ်ခု ရှိနေခဲ့ပါတယ်— အဲ့ဒါကတော့ သူ့ရဲ့သူငယ်ချင်းလည်းဖြစ်၊ အလုပ်ရှင်လည်းဖြစ်တဲ့ မင်းသား Ji-hyun ကို တိတ်တဆိတ် ချစ်နေမိတာပါပဲ။ တစ်နေ့မှာတော့ Eun-ho ရဲ့ နှစ်ရှည်လများ စွဲလမ်းခဲ့ရတဲ့ အချစ်တွေက တဖြည်းဖြည်း ထုံထိုင်းစပြုလာချိန်မှာပဲ Ji-hyun နဲ့အတူ “Introducing My Manager” ဆိုတဲ့ ရုပ်သံအစီအစဉ်မှာ ပါဝင်ဖို့ ကမ်းလှမ်းချက် ရောက်လာခဲ့ပါတယ်။
အင်တာဗျူးတစ်ခုမှာ Eun-ho က “ကျွန်တော့်မှာ ချစ်ရတဲ့သူ ရှိပါတယ်” လို့ ဝန်ခံလိုက်တဲ့အခါ… သူငယ်ချင်းထက်ပိုပြီး ချစ်သူထက်လျော့တဲ့ ဒီလို အမည်တပ်လို့မရတဲ့ ပတ်သက်မှုက ဘာဆက်ဖြစ်လာမှာလဲ? နိုင်ငံတစ်ဝန်းလုံးကို ထုတ်လွှင့်နေတဲ့ ရုပ်သံအစီအစဉ်ပေါ်မှာ သူတို့ရဲ့ အလုပ်နဲ့ အချစ်ကြားက စည်းဝါးတွေ စတင်ဝေဝါးလာတဲ့အခါ ဘယ်လို ဇာတ်လမ်းမျိုး ဆက်ဖြစ်လာမလဲဆိုတာ…။
