ဇာတ်လမ်းအကျဉ်း
မိဘမဲ့ဂေဟာမှာ ကြီးပြင်းလာရတဲ့ Munyeong ဟာ ဘာကြောင့်မှန်းမသိတဲ့ ပူပန်မှုတွေနဲ့ တစ်ခုခုကို အမြဲတမ်း တောင့်တရှာဖွေနေခဲ့သူတစ်ယောက် တစ်နေ့မှာတော့ သူရဲ့မျက်လုံးထဲမှာပဲ မြင်ရတဲ့ “အနက်ရောင်မြေခွေး” လေးတစ်ကောင် ရောက်လာခဲ့ပြီး သူရဲ့ စိုးရိမ်စိတ်တွေကို အံ့သြစရာကောင်းလောက်အောင် ပျောက်ကွယ်သွားစေခဲ့တယ်။
ဒါပေမဲ့ ကံကြမ္မာအလိုအရ တိုင်းပြည်ရဲ့ အင်အားကြီးလုပ်ငန်းစု Cheonseong Group က သူ့ကို မွေးစားလိုက်တဲ့နေ့မှာပဲ အဲ့ဒီမြေခွေးလေးဟာ သဲလွန်စမရှိ ပျောက်ကွယ်သွားပါတော့တယ်။
မွေးစားမိသားစုဟာ သူ့ကို “လျှို့ဝှက်ဆန်းကြယ်တဲ့ ဖြစ်ရပ်တွေနဲ့ ပတ်သက်နေသူ” လို့ စွပ်စွဲပြီး အချုပ်အနှောင်တွေကြားမှာ အရုပ်တစ်ရုပ်လို ထိန်းချုပ်ခဲ့ကြပြီး နှစ်ပေါင်းများစွာကြာတဲ့အချိန်မှာ… သူ့ရဲ့ လွတ်မြောက်ရာလမ်းကို လုံးဝမမြင်ရတော့တဲ့အချိန်မှာပဲ အဲ့ဒီ “အနက်ရောင်မြေခွေး” ဟာ သူ့ရှေ့ကို တစ်ကျော့ပြန် ရောက်ရှိလာခဲ့တယ်။ ဒီတစ်ခါတော့ သူဟာ ချစ်စရာတိရစ္ဆာန်လေးအဖြစ် မဟုတ်ဘဲ… သူအရမ်းတောင့်တနေတဲ့ “လွတ်လပ်ခွင့်” ကို ကမ်းလှမ်းမယ့်သူအဖြစ် ရောက်လာခဲ့တာပါပဲ အဲ့ဒီအနက်ရောင်မြေခွေးဟာ ဘာလဲ? သူက နတ်ဘုရားလား၊ မိစ္ဆာလား၊ ဒါမှမဟုတ် သူ့ရဲ့ အတိတ်ဘဝနဲ့ ပတ်သက်နေတဲ့သူလား?
“မင်းကို ဒီလှောင်အိမ်ထဲကနေ ငါ ဆွဲထုတ်ပေးမယ်… ဒါပေမဲ့ Munyeong မင်းငါ့နောက်ကို လိုက်လာရင်တော့ မင်း နောက်ကြောင်းပြန်လှည့်လို့ မရတော့ဘူးနော်။” Munyeong ဟာသူ့လွတ်လပ်ခွင့်အတွက် မြေခွေးနဲ့ လက်တွဲတဲ့အခါ သူပေးဆပ်ရမယ့် တန်ဖိုးက ဘာဖြစ်မလဲ?
