ဇာတ်လမ်းအကျဥ်း
နှစ်ပေါင်းတစ်ရာကြာ လူ့လောကမှာ ပျော်ပါးနေထိုင်ခဲ့တဲ့ Lucian ဟာ ဖခင်ဖြစ်သူ Lucifer ရဲ့ ခေါ်ယူမှုကြောင့် ငရဲပြည်ကို မလွှဲမရှောင်သာ ပြန်လာခဲ့ရပါတယ်။ Luciferဟာ ပလ္လင်ကို စွန့်ခွာတော့မှာဖြစ်ပြီး တစ်ဦးတည်းသောသား Lucian ကို ငရဲရဲ့ ဘုရင်သစ်အဖြစ် လေ့ကျင့်ပေးဖို့ Uriel ကို တာဝန်ပေးလိုက်ပါတယ်။
Uriel ဟာ ကောင်းကင်ဘုံကနေ နှင်ထုတ်ခံထားရတဲ့ နတ်စစ်သည်တော်ဟောင်းတစ်ဦးဖြစ်ပြီး စည်းကမ်းကြီးပြီး ရေခဲတုံးနဲ့နင်လားငါလားဖြစ်တဲ့သူတစ်ယောက် ဒါပေမဲ့ Lucian ကတော့ လူ့လောကရဲ့ လွတ်လပ်မှုကို နှစ်သက်သူဖြစ်ပြီး ငရဲရဲ့ ရှေးရိုးစွဲညှဉ်းပန်းနှိပ်စက်မှုတွေကို ငြီးငွေ့စရာလို့ မြင်နေတဲ့သူတစ်ယောက် အမြင်မတူညီတဲ့သူတို့နှစ်ဦး အလုပ်သင်နဲ့အလုပ်ရှင်ပုံစံ သင်ကြားပေးဖို့ဖြစ်လာခဲ့ပြီး Uriel က Lucian ကို ငရဲရဲ့ အနက်ရှိုင်းဆုံး အလွှာတွေဆီ ခေါ်သွားပြီး အကျဉ်းသားတွေကို ဘယ်လိုကိုင်တွယ်ရမလဲဆိုတာ သင်ပေးဖို့ ကြိုးစားပါတော့တယ်။ ဒါပေမဲ့ Lucian က သူ့ရဲ့ ထက်မြက်တဲ့ ဉာဏ်နဲ့ ထူးခြားတဲ့ စရိုက်ကို သုံးပြီး Uriel မထင်မှတ်ထားတဲ့ နည်းလမ်းတွေနဲ့ ပြဿနာတွေကို မီးမွှေးရှာပြလိုက်တဲ့အခါ Uriel က ပိုပြီး ဒေါသထွက်လာကာ Lucian ကိုထိန်းချုပ်ဖို့အတွက် Urielရဲ့အစွမ်းနဲ့ Lucianကို ငရဲသားအဖြစ်သတ်မှတ်လိုက်ပြီး ငရဲကလွှတ်မြောက်ဖို့ အမှတ်တွေကောင်းအောင်လုပ်ဆိုတဲ့ စာချုပ်ချုပ်ပြီး ကိုင်တွယ်နည်းပြောင်းရတော့တယ်
Lucianဟာ ငရဲပြည်မှာ စည်းကမ်းတွေနဲ့ အသာတကြည်သင်ယူမလား ဒါမှမဟုတ် ငရဲပြည်ကို သူဖြစ်ချင်တဲ့အတိုင်း ပုံစံအသစ်အတိုင်း ပြောင်းလဲပစ်မလား? ငရဲပြည်ကနေပဲရအောင်ထွက်ပြေးနိုင်မလား? Uriel ရဲ့ သည်းခံနိုင်စွမ်းဟာလည်း ဘယ်အချိန်မှာ ပေါက်ကွဲသွားမလဲဆိုတာ ဒီဇာတ်လမ်းတွဲမှာ ရင်ခုန်စွာ မြင်တွေ့ရမှာ ဖြစ်ပါတယ်။
