ဇာတ်လမ်းအကျဉ်း
ဒီဇာတ်လမ်းဟာ အထက်တန်းကျောင်းသား လေးယောက်ဖြစ်တဲ့ Jian Yi, Zhan Zheng Xi, He Tian နဲ့ Mo Guan Shan တို့ရဲ့ နေ့စဉ်ဘဝ ရှင်သန်ပုံတွေကို အခြေခံထားတာပါ။ အစပိုင်းမှာတော့ သူငယ်ချင်းတွေကြားက ရယ်မောစရာ ဖြစ်ရပ်လေးတွေကို တိုတိုထွာထွာအနေနဲ့ တင်ဆက်ခဲ့ပေမဲ့ နောက်ပိုင်းမှာတော့ ခိုင်မာတဲ့ ဇာတ်အိမ်တစ်ခု ဖြစ်လာပါတယ်။
Jian Yi: အမြဲတမ်း ပျော်ပျော်နေတတ်ပြီး တစ်ခါတစ်လေ ကြောင်တောင်တောင်နိုင်ပြီး သူ့ရဲ့ ငယ်ဘဝကတော့ လျှို့ဝှက်ချက်တွေနဲ့ နာကျင်စရာတွေ ပြည့်နှက်နေတဲ့ကောင်လေးတစ်ယောက်
Zhan Zheng Xi: တည်ငြိမ်ပြီး အေးအေးဆေးဆေး နေတတ်သူပါ။ Jian Yi ရဲ့ ဆိုးသမျှ၊ နွဲ့သမျှကို အမြဲတမ်း ဘေးကနေ ကာကွယ်ပေးပြီး သည်းခံပေးတတ်တဲ့ အရင်းနှီးဆုံး သူငယ်ချင်း။
He Tian: ကျောင်းမှာ နာမည်ကြီးပြီး အရပ်ရှည်ရှည်၊ ရုပ်ချောချောနဲ့ သြဇာရှိတဲ့သူတစ်ယောက်ဖြစ်ပြီး သူ့ရဲ့ မိသားစုနောက်ခံဟာ Mafiaတွေနဲ့ ဆက်နွယ်နေတယ်။
Mo Guan Shan (Little Mo): စိတ်တိုလွယ်ပြီး ရန်ခဏခဏ ဖြစ်တတ်တဲ့ လူမိုက် ပုံစံမျိုးပါ။ ဒါပေမဲ့ စိတ်ရင်းအရမ်းကောင်းပြီး ဟင်းချက်လည်း တော်တဲ့သူ He Tian က သူ့ကို စနောက်ရင်းနဲ့ တဖြည်းဖြည်း အစွဲအလမ်းကြီးလာရာကနေ သူတို့နှစ်ယောက်ရဲ့ ဆက်ဆံရေးက တဖြည်းဖြည်းရင်ခုန်ဖို့ကောင်းလာခဲ့တယ်
ကျောင်းသားဘဝရဲ့ သာယာမှုတွေကြားမှာ Jian Yi ရဲ့ ပျောက်ဆုံးသွားတဲ့ အတိတ်၊ He Tian ရဲ့ အန္တရာယ်ရှိတဲ့ မိသားစုရေးရာတွေနဲ့ လမ်းပေါ်က ဂိုဏ်းစတားတွေရဲ့ ပြဿနာတွေက ဇာတ်လမ်းကို ပိုပြီး လေးနက်စေတယ်။ သူတို့ လေးယောက်ဟာ အခက်အခဲတွေကို အတူတူ ကျော်ဖြတ်ရင်း “One Day” ဆိုတဲ့ Rock Band လေးကို တည်ထောင်ဖို့ ကြိုးစားကြရင်းနဲ့ တစ်ယောက်အပေါ်တစ်ယောက် ထားရှိတဲ့ သံယောဇဉ်တွေကို ရှာဖွေတွေ့ရှိသွားတဲ့နောက်မှာတော့…..
