ဇာတ်လမ်းအကျဉ်း
ဗန်ပိုင်းယားလောကရဲ့ ဂုဏ်သိက္ခာအရှိဆုံးနဲ့ အပြတ်သားဆုံး စီရင်ချက်ချသူ Kelice ဟာ သူမရဲ့ နယ်မြေအတွင်းက ထူးဆန်းတဲ့ ဝိညာဉ်ရေးရာ ဖြစ်ရပ်တွေကို စုံစမ်းစစ်ဆေးရင်း မမျှော်လင့်ထားတဲ့ အမှောင်ပယောဂတစ်ခုကြောင့် သူမရဲ့ အမျိုးသမီးခန္ဓာကိုယ်ဟာ အမျိုးသားတစ်ဦးအဖြစ် ရုတ်တရက် ပြောင်းလဲသွားခဲ့တယ်။
ဒီလို အင်အားတွေ ချည့်နဲ့ပြီး အခက်တွေ့နေတဲ့ အချိန်မှာပဲ ရန်ဘက်မျိုးနွယ်စုဝင် ဝံပုလွေလူသားလေး Regal နဲ့ ထိပ်တိုက်တွေ့ဆုံခဲ့ပါတယ်။ ဗန်ပိုင်းယားနဲ့ ဝံပုလွေဆိုတာ ရာစုနှစ်ချီပြီး သွေးမြေကျအောင် တိုက်ခိုက်လာခဲ့တဲ့ ရန်သူတွေ ဖြစ်ပေမဲ့၊ နယ်မြေအတွင်း စီးဆင်းနေတဲ့ ပိုမိုကြီးမားတဲ့ လျှို့ဝှက်ပူးပေါင်းကြံစည်မှုတွေကို ဖော်ထုတ်ဖို့အတွက် သူတို့နှစ်ဦးဟာ “အကျိုးတူစာချုပ်” တစ်ခုနဲ့ မဟာမိတ်ဖွဲ့ပြီး ခရီးအတူ ထွက်ခဲ့ကြရတယ်။
ဗန်ပိုင်းယား နယ်မြေရဲ့ မှောင်မိုက်တဲ့ လျှို့ဝှက်ချက်တွေကို တစ်ခုပြီးတစ်ခု ဖော်ထုတ်ရင်း၊ အသက်အန္တရာယ်တွေကြားမှာ တစ်ယောက်ကိုတစ်ယောက် ကာကွယ်ပေးခဲ့ကြတဲ့ သူတို့နှစ်ဦး။ အစပိုင်းမှာ အပြန်အလှန် အသုံးချဖို့အတွက် စတင်ခဲ့တဲ့ သူတို့ရဲ့ ဆက်ဆံရေးဟာ တဖြည်းဖြည်းနဲ့ နက်ရှိုင်းလာပြီး… ဘယ်လိုအရာနဲ့မှ ခွဲခြားလို့မရတဲ့ Soulmateတွေအဖြစ် ပြောင်းလဲသွားခဲ့တယ်။
သူတို့ရဲ့ ခရီးစဉ်အဆုံးမှာ Kelice ဟာ မူလခန္ဓာကိုယ်ကို ပြန်ရနိုင်ပါ့မလား? ပြီးတော့ မျိုးနွယ်စုခြား အချစ်ကို ဗန်ပိုင်ယာလောကရဲ့ တင်းကျပ်တဲ့ စည်းမျဉ်းတွေကြားကနေ ဘယ်လို ကာကွယ်သွားကြမလဲ?
